Coach Kerr gipamulta'g $25t
CEBU, Philippines – Ang head coach sa Golden State Warriors nga si Steve Kerr gipamulta og $25,000 P1.25 million sa NBA gumikan sa pagsaway niini sa mga opisyal sa duwa atol sa ilang kaparotan batok sa Portland Trail Blazers.
Grabe kaayo ang pagbokal sa dugo ni Kerr kay gieskortan pa kini pagawas sa korte human sa masuk-anon niining pagpalag sa flagrant foul nga gitawag batok ni Draymond Green.
Si Kerr napitohan og duha ka sunod-sunod nga technical fouls ug na-ejected human gihampak niini ang iyang clipboard ug nakigkalis ni reperi Kenny Mauer.
Ang silot ni Kerr gikompirmar ni Kiki VanDeWeghe, ang NBA vice president of basketball operations.
Sa dihang gisukna sa mga tigbalita kabahin sa init kaayo niyang reaksiyon, si Kerr mipasabot nga naglibog siya nganong gitawgan og foul si Green kay igo lamang kining midepensa.
Sa iyang bahin, gikahimuot ni Green ang gihimong pagdapig kaniya sa ilang coach.
- Latest
