CEBU, Philippines – Wala gilimod ni Philadelphia 76ers star Ben Simmons nga gusto siya moduwa sa Los Angeles Lakers.
Mismo si Sixers general manager Elton Brand mitug-an nga si Simmons mipadayag sa iyang interes nga makigkita ni Lakers president Magic Johnson.
Niadtong Domingo, si Lakers president Johnson miingon nga nakaangay siya sa abilidad sa reigning 'Rookie of the Year' ug ikalipay niya kun mahimo kining usa ka Lakers.
"I love his game. I love his vision. I love also, too, he's very, in terms of basketball IQ, very high," matud pa ni Johnson atol sa duwa sa Lakers diin napilde sila ngadto sa Sixers.
Mipadako sa isyu mao ang suod nga higala ni Lakers star LeBron James nga si Rich Paul nga maoy agent ni Simmons.