Anak ni Pacquiao mi-TKO sa kontra

Gipakita ni Jimuel Pacquiao, ang  kinamaguwangang anak ni Manny Pacquiao nga anaa usab siya'y kusog sama sa iyang amahan.

Kini human gipatumba ni Jimuel  sa usa ka two-round amateur boxing exhibition match ni Lucas Carson  didto sa Muntinlupa City.

Brownlee gisayangan

Gianugonan si kanhi PBA best import Justin Brownlee sa wala nila pagsakmit sa Mighty Sports sa kampiyonato sa Dubai International Tournament.

Ang pambato sa Pilipinas nga Mighty Sports wala makasud sa finals human napilde ngadto sa Lebanon, 84-89 niadtong Biyernes. Ang Mighty Sports nalandig lang sa ikatulong dapit pinaagi sa pagpilde sa Beirut.

RoS may tsansa sa PBA title

Gideklarar ni PBA All-Star Beau Belga nga maisip nga title contender ang Rain or Shine Elasto Painters sa nagpadayong All-Filipino Cup.

Si Belga nagkanayon nga bisan og kuwang sila sa superstar, ang Painters lig-on gihapon nga koponan ug timaan niini ang pagsakmit nila sa unang dapit sa standing uban ang 6-1 nga baraha.