CEBU, Philippines — Kapin sa 3,000 ka runners ang magginukdanay sa mga kadalanan sayo karong buntag gumikan kay ang lukop tuig nga selebrasyon sa University of the Visayas Centennial mosikad pinaagi sa usa ka fun run nga magsugod ug mahuman sa UV-Main Campus quadrangle sa may dalan Colon.
Nahimong mas espesyal ang kalihukan kay natumong man kini sa ika-131 nga anibersaryo sa adlaw'ng natawhan ni Don Vicente Gullas, ang nagtukod ug labing unang presidente sa UV. Giestablisar ni Don Vicente ang UV isip Visayan Institute niadtong tuig 1919.
Haum kaayo ang maong karera alang sa mahinungdanong kawsa gumikan kay nahisubay man kini sa pilosopiya sa UV nga gugma, liderato ug serbisyo sa isig katawo.
"Be fit, healthy, and experience the heat of the UV Centennial Run 2019," matud pa ni UV Athletic Director Chris Mejarito nga malipayon kaayo sa hugtanong suporta sa mga estudyante ug alumni sa UV ngadto sa ilang karera.
Mga distansiya nga mahimong pilian nga daganan mao ang 3K, 5K ug 10K.
Ang makita sa lumba ipundo alang sa nagkadaiyang programa sa UV alang sa adopted niining barangay nga mao ang Barangay Kamagayan.
Gawas sa mga medalya ug sertipiko, kapin sa P70,000 nga ganting salapi ang iapud-apod ngadto sa mga mananaog sa matag kategoriya.