Floyd wa misaad og KO

Wala misaad og knockout nga kadaugan si legendary boxer Floyd Mayweather Jr. atol sa ilang exhibition boxing match batok sa Japanese kickboxer nga si Tenshin Nasukawa ugma didto sa Japan.

Ang 41-anyos nga si Mayweather miingon nga bisan pa og walay kasinatian sa boxing iyang kaatbang, dili mahimo nga balewalaon niya ang katakus niini ug dili siya mokompiyansa sa maong sangka.

Jones kampiyon na usab sa UFC

Human sa kapin usa ka tuig nga wala kapakita og aksyon tungod sa pagsuspenso kaniya dihang nasakpan nga migamit og illegal nga drugas, ang sikat nga mixed martial arts star nga si Jon Jones misakmit pagbalik sa UFC world light heavyweight title dihang iyang gipaundang sa third round ang karibal nga si Alexander Gustafsson kagahapon didto sa California.

Standhardinger paapilon sa ensayo

Bisan pa og gitawag na pagbalik ang naturalized center nga si Andray Blatche aron moduwa sa Gilas Pilipinas, gusto si coach Yeng Guiao nga moapil gihapon sa ensayo ang Fil-German nga si Christian Standhardinger.

Kini pangandam kung ugaling magkaproblema sila ni Blatche kinsa una nang gipasidan-an sa national team coach nga kinahanglan moduwa uban kanila nga kondisyon ug dili daku og timbang.