CEBU, Philippines – Human sa usa ka semanang pahuway, ang Sunsport Basketball Training Camp mobalik na karong weekend diha sa Sacred Heart Center Sports Club sa D. Jakosalem, Dakbayan sa Sugbo.
Matud pa ni camp director coach Jojo Romarate Teves nga padayon pa ang ilang pagpanawat og estudyante sa senemana nilang training nga ipahigayon matag Domingo gikan sa alas-10 sa buntag hangtod sa alas-12 sa udto.
Abli sa mga batan-ong basketbolista nga nag-edad og siyete hangtod sa 19 anyos, si Romarate nagkanayon nga ilang tudloan ang ilang mga estudanye sa tanang mga aspeto sa pagduwa og basketbol.
Ang rehistrasyon nagkantidad og P1,200, apil na ang training jersey ug Sunsport basketball 2018 edition.
Alang sa dugang detalye, kadtong mga interesado mahimong motawag ni coach Jojo sa 0923-8697421.