CEBU, Philippines — Dili na kaayo sikat si kanhi four-division world champion Nonito 'The Filipino Flash' Donaire Jr. sa mga mata sa Pinoy fans karon, apan masaligon siya nga mabalik ni kun makahimo siya og knockout nga kadaogan atol sa iyang WBA bantamweight title fight batok Ryan Burnett karong Domingo didto sa Scotland.
Si Donaire todo ensayo didto sa Las Vegas ug gusto niyang ipakita nga anaa gihapon kaniya ang kusog nga maoy nakapasikat niya sa nangaging mga katuigan. Ang 35-anyos nga si Donaire miingon nga maayo si Burnett, kinsa bata og siyam ka tuig, apan ipakita niya nga dili pa siya laos ug kaya pa niya nga mamahimong world champion pag-usab.
Si Donaire katapusang miaway niadtong Abril, apan napilde siya pinaagi sa decision ngadto ni Irish Carl Frampton atol sa ilang WBO interim featherweight title fight.