3rd Gary Rojas friendship cup mosikad na karong gabii
CEBU, Philippines – Pormal nang sugdan ang third conference sa Hon. Gary Rojas Friendship Cup karong adlawa diha sa Sta. Lucia gym sa Consolacion.
Katorse ka koponan ang mag-ilog sa kampiyonato nga naglakip sa Glenn Maghinay Team, Vendredi Club, Geobert Merchandise, La Confradia Archangel, D'Rabens, St. Louis Agency, Delfingen, Cyrias Kandingan, J&N Sportswear, Reray Motorparts, Sitio Ibabaw Team, Princess and Faith Kitchenette, Colorado Comets ug ang SVYRC.
Bahinon sila ngadto sa duha ka bracket.
Matud pa sa founder niining si Gary Rojas nga ang duwa mosubay og single round sa eliminasyon. Ang top 2 sa matag bracket mag-abot sa semifinals.
Modumala sa maong liga mao si commissioner Virgilio Pepino uban nilang Archie Abrasado ug Reyan Capao isip co-commisioners
Moabag nila mao silang Lamay Burlaos ug Michael Tobias (technical committee), Lester Sanchez, Barry Sasing ug Atan Rosalejos (table officials) ug Wally Bragas isip adviser.
- Latest
