CEBU, Philippines — Dili usa kun dili duha gyud ang mitugpang demalas sa palad sa Rain or Shine Elasto Painters tungod kay gawas nga hanap kaayo ilang tsansa nga makasud sa playoffs , hayan nga dugay pa usab makaduwa og balik ilang sinaligan nga si Beau Belga.
Si Belga nagkanayon nga posibleng dili na siya makaduwa pa human sa gidudahang seryoso nga injury sa tiil nga iyang nahiaguman atol sa ilang kapildihan batok sa Columbian Dyip, 84-100 niadtong Biyernes.
Nanghinaut si Belga nga unta makabalik dayon siya og duwa tungod kay gawas sa PBA, gusto usab niya nga makatabang sa Philippine Team nga moduwa sa FIBA World Cup qualifiers kun ugaling kinahanglan iyang serbisyo ni coach Yeng Guiao.