CEBU, Philippines — Gipaabot nga usa ka init nga sangka ang mahitabo tali sa Blackwater Elite ug Alaska Aces sa 2018 PBA Governors Cup karong adlawa didto sa Smart Araneta Coliseum.
Ang Blackwater ug Alaska magsangka karong alas-7 sa gabii human sa duwa sa Rain or Shine Elasto Painters ug Meralco Bolts nga sugdan sa alas-4:30 sa hapon.
Ang Elite ug Aces pulos adunay 6-2 nga baraha ug ang modaog nila makigsawo sa liderato uban sa Barangay Ginebra San Miguel ug Magnolia Pambansang Manok nga parehong magbitbit og 7-2 records. Ang modaog may purohan usab nga makakuha og 'twice-to-beat' advantage sa playoffs.
Si Elite coach Bong Ramos nagkanayon nga higayon na nila kini nga mapakita ang dakong kalamboan sa ilang koponan ilabi lig-on ang ilang banggaon karon.
Si Henry Walker, ang import kaniadto sa Aces, andam na sab nga moagak sa opensiba sa Elite. Makigbangga siya sa import sa Aces nga si Mike Harris, usa sa mga lig-ong kandidato alang sa 'best import'.