T. Padilla, Ramos B midaog
CEBU, Philippines — Midaog ang T. Padilla batok sa Ramos A, 72-61 pagsugod sa Ranudo Basketball League (RBL) Christmas League 18 and under Inter-Barangay Tournament niadtong miaging semana didto sa Benjamin Solon Memorial gym sa Cogon Ramos, Dakbayan sa Sugbo.
Miiskor og 13 puntos si Jovin Gimeno aron pangulohan ang T. Padilla nga mikontrolar sa tibuok duwa.
Bugtong konsuylo lang sa Ramos A mao ang pagkitkit sa dakong labaw ngadto na lang sa nuybe puntos.
Si Dave Mendoza mao sab ang nangu sa Ramos A pinaagi sa iyang 16 puntos.
Dili hinuon tanan kasakit nahiaguman sa Ramos kay ang ilang igsuong koponan nga Ramos B midaog man batok sa Bo. Luz sa iskor nga 51-43.
Gipangulohan kini ni Meroy Codilla nga mipabuhagay og 12 puntos.
PUNTOS MATAG USA
Unang duwa:
T. PADILLA (72) – Gimeno 13, Mata 12, Jacalan 11, Amante 9, Rosal 8, Bataluna 6, Peliño 5, Albinico 2, Alegarbis 2,
Ingenti 2, Whilie 2.
RAMOS A (61) – Mendoza 16, Caballero 14, Roque 8, Bongcawel 6, Rondina 5, Fernandez 4, Dupa 3, Cabalida 2, Bentoy 2,
Muluni 1.
Ikaduhang duwa:
RAMOS B (51) – Codilla 12, Besabella 8, Pasilang 7, Soric 6, J. Besabella 5, Daniko 4, Bogin 3, Rubi 2, Niño 2, Yina 2,
Teves 1.
BO. LUZ (43) – Allozada 7, Miller 6, Hermoso 6, Sanchez 5, Aranez 4, Taghoy 4, Talisay 4, Tinapay 3, Rodrigo 1.
- Latest
