CEBU, Philippines – Gipasaligan nilang PBA shooters Marcio Lassiter ug Matthew Wright ang mga coaching staff sa Team Pilipinas nga maulian ra ang ilang pulso ug makapauwan sila og tres sa mosunod nga mga duwa sa nasudnong koponan sa 2019 FIBA World Cup qualifiers.
Si Lassiter wala kaayo mangigo sa outside shooting atol sa duwa batok sa Iran ug Qatar, apan ang veteran guard miingon andam na siya sa sunod niyang pagduwa sa national team.
Sa iyang bahin, si Wright wala usab kaayo kaigo og tres batok Qatar, apan ang Fil-American miingon nga resulta kadto sa dugay niya nga pagkawala sa national team tungod sa FIBA suspension.
Misaad ang duha nga mamawi sa sunod duwa sa Team Pilipinas diin ilang harungon ang bisitang Kazakhstan sa Nobiyembre 30 didto sa Smart Araneta Coliseum.