Laing star gigukod sa Lakers
Wala pa matagbaw nga anaa na kanila si LeBron James, gikataho nga ang mga kadagkuan sa Los Angeles Lakers milihok aron mabira nila ang All-Star forward nga si Anthony Davis gikan sa New Orleans Pelicans.
Mismo si retired star ug karon sports analyst nga si Paul Pierce ang miingon nga dili na magdugay si Davis sa Pelicans ug nangita kini og sikat nga koponan nga kabalhinan.
De La Hoya mudagan presidente
Gipadayag ni boxing legend ug promoter nga si Oscar De La Hoya nga aduna siyay plano nga mudagan pagka-presidente sa Estados Unidos sa umaabot.
Si De La Hoya kinsa usa usab ka Olympic gold medalist nagkanayon nga kung makakuha siya og igong suporta, hayan nga usa siya sa mga mokandidato sa labing taas nga posisyon sa goberno sa US atol sa 2020 election.
- Latest
