Ladon silver ra naabot

CEBU, Philippines — Nahanaw ang paglaum sa Pilipinas nga    maka-gold    sa 2018 Asian Games human ang  Pinoy'ng  boksidor napilde ngadto ni Jasurbek Latipov sa Uzbekistan sa flyweight division kagahapon didto sa Jakarta, Indonesia.

Si Ladon maoy katapusang atleta nga mihatag og medalya sa Pilipinas.

Ang Pilipinas nahimutang sa ika-19 nga dapit sa standing  uban ang  upat ka gold, duha ka silver ug 15 ka bronze medals.

Si Ladon miaway sa finals nga adunay bun-og ug gisi sa nawong, apan isog gihapon kining nakigbinukbukay ni  Latipov.

Nakakonekta pa  og mga kombinasyon si Ladon, apan naglisud na kini tungod sa dakong gisi sa kilay nga iyang naangkon  mugna sa headbutt. Si Ladon, usa sa tulo ka mga boksidor nga nakakuha og medalya uban sa mga bronze medalists nga sila si Carlo Paalam ug Eumir Marcial.