TNT nangita og import

Nagkarakara karon ang coaching staff sa TNT KaTropa sa pagpangita og bag-ong import human nila gitangtang si Mike Glover tungod kay wala sila makontento sa gipakitang duwa niini. Ang TNT nga miduwa nga walay import midaog sa Meralco Bolts sa PBA Governors' Cup niadtong Domingo.

Japanese players gipapauli

Gipapauli sa kadagkoan sa Japan team ang upat ka sakop sa ilang men's basketball team human  nasakpan nga migawas sa athletes village aron mag-inom ug manguha og babaye didto sa Indonesia. Ang mga opisyales sa Japan team mipahimangno sa ilang mga atleta nga likayan ang maong mga buhat samtang nagpadayon pa ang Asian Games.