CEBU, Philippines — Ang back-to-back NBA champion ug Finals MVP nga si Kevin Durant sa Golden State Warriors gitakdang mobisita sa nasud karong Hulyo 8 alang sa promotional tour sa Nike.
“We are thrilled to have Kevin Durant with us this time around,” matud pa ni Jino Ferrer sa Nike Philippines. “Fresh off a recent amazing season, this is an opportune moment to welcome and celebrate his journey of hard work and perseverance, which brings him to where he is today, with all aspiring Filipino ballers."
Usa ka champion's welcome ang ipahigayun usab didto sa Nike Park sa Fort didto sa Taguig diin may kahigayunan ang mga fans nga makighimamat ni Durant kinsa misaad nga mopakita og gamay'ng aksyon.
Ang Olympian moduwa uban ang mga collegiate standout sa usa ka All-Star Challenge sa Smart Araneta Coliseum.
Kini ang ikaduhang bisita ni Durant sa nasud sukad niadtong tuig 2011 diin uban siya nila ni Chris Paul, James Harden ug Kobe Bryant nga miduwa batok sa PBA selection. (BANAT NEWS)