CEBU, Philippines — Misaad si Andray Blatche nga magbangis uban sa Gilas Pilipinas sa sangka nila sa Chinese Taipei karong Hulyo 29 didto sa Taiwan.
Si Blatche miangkon nga nauwawan siya sa una nilang sangka sa Chinese Taipei kay nalupig siya sa mubong import sa Taiwan nga si Quincy Davis.
Ang Gilas midaog sa una nilang sangka niadtong Nobiyembre, 90-83, apan dili makalimot si Blatche sa sayes puntos niyang nahimo itandi sa 20 puntos ni Davis.
Si Blatche miapil na og praktis sa Gilas Pilipinas didto sa kaulohan ug gipakita niya nga lahi na siya itandi sa Blatche nga miduwa sa second leg nga tambok ug wala sa kondisyon.