Naga mipakurat sa Minglanilla sa Governor’s Cup
CEBU, Philippines — Giablihan sa Minglanilla Archangels ang ilang pagdepensa sa titulo sa wala damha nilang paagi.
Kini human sila literal nga gipakuratan sa Naga Electrifiers, 93-91 sud sa overtime sa 2nd Cebu Governor’s Cup Inter-Cities and Municipalities Under-21 Developmental Basketball Tournament niadtong Lunes sa gabii didto sa Enan Chiong Activity Center, City of Naga.
Naglabaw ang Minglanilla og usa ka lugas, 91-90 sa dihang si Justin Atilano miposa og tres sa .7 segundo nga nahibilin sa duwa. Nagtabla ang duha ka koponan human sa regulasyon, 75-75.
Apan ang duwa gipaubos dayon sa protesta sa Minglanilla sa alegasyon nga nakahimo og kalapasan ang Naga nga mipasud og unom ka players sud sa korte atol sa maong krusyal nga bahin sa aksiyon.
Sa detalyadong Facebook post ni Cebu Provincial Sports Commission (CPSC) Executive Director ug tournament chairman Atty. Ramil P. Abing, ang Naga maoy nakapasud sa katapusang basket.
“The catch and shoot play was unbelievably executed by (Justin) Atilano from the 3-point line which made the final score at 93-91 in favor of the home team,” saysay pa ni Abing.
“However, amid the raucous celebration, the Minglanilla bench and coaching staff contended that the last play was done with six Naga players in the court. None from the referees and table officials saw the alleged violation. Thus, the last basket was counted. Initial review of the live video coverage in FB showed that indeed there were 6 players of Naga that took part in the last play,” dugang pa ni Abing.
Si Abing ug ang tanang sakop sa tournament committee, apil na ang mga reperi ug table officials nagtuki pa sa maong isyu ug gikatakda nga ipagawas ang nakab-ot nilang desisyon karong adlawa.
- Latest
