Injury ni Curry di grabe
Nahuwasan ang coaching staff sa Golden State Warriors human migawas nga dili seryoso ang injury sa tiil sa ilang star point guard nga si Stephen Curry base sa resulta sa eksaminasyon kagahapon.
Si Curry natakilpo human makatunob sa sapatos sa iyang teammate nga si Zaza Pachulia niadtong Sabado batok sa Atlanta Hawks ug wala na siya gipahuman og duwa ni coach Steve Kerr.
Hayward di pa kabalik
Hingpit na nga gipaw'ng ni Boston Celtics coach Brad Stevens ang paglaum sa mga fans sa koponan nga makaduwa pa og balik bisan sa playoffs si All-Star Gordon Hayward.
Bisan pa og makarekober sa panahon sa playoffs, si Stevens gusto nga mopahuway lang una karon nga tuig si Hayward kinsa nabalian og tiil sa pagbukas sa NBA season.
Veteran moduwa sa OKC
Human buhii sa Los Angeles Lakers, ang Oklahoma City Thunder daling misagop sa veteran nga si Cory Brewer kinsa usa ka 11-year veteran ug saligan sa Thunder sa bench.
- Latest
