GSP daog sa iyang pagbalik

Wa matay-i ang abilidad ni mixed martial arts superstar Georges St. Piere bisan pa sa upat ka tuig nga pagpahuway. Kini human niya gipatug ang Briton nga si Michael Bisping aron masakmit ang UFC middleweight championship kagahapon didto sa New York.

Si Bisping kinsa misaka sa iyang record ngadto sa 26-2, nagkadugo human magisii sa iyang ulo apan wala kini kapugong aron matuok niya si Bisping sa third round.

Wilder mi-KO ni Stiverne

Kinahanglan lang og usa ka round ang WBC heavyweight champion nga si Deontay Wilder aron patumbahon ang challenger nga si Bermane Stiverne sa ilang sangka kagahapon didto sa Barclay Center sa Brooklyn.

Sa maong bangis nga kadaugan, si Wilder mihagit sa IBF ug WBA champion nga si Anthony Joshua alang sa usa ka unification match.

Tulo ka Pinoy nangapukan

Tulo ka mga Pinoy mixed martial arts fighter ang gidemalas sa ilang tagsa-tagsa ka mga sangka sa One Championship niadtong miaging gabii didto sa Myanmar.

Pulos nakatilaw og mga sakit nga pilde sila si Jeremy Miado, Burn Soriano ug Cebuano Eugene Toquero batok sa tagsa-tagsa nila ka mga langyaw nga kaatbang.