CEBU, Philippines - Padayon gihapon sa ilang praktis ang mga miyembro sa Cebu Legends Basketball Association (CELBA) diha sa Canduman Housing gym sa dakbayan sa Mandaue.
Kini aron mas motaas pa ang level sa umaabot nga CELBA Second Conference nga gikatakda sunod bulan.
Ang practice game himuon matag Miyerkules ug Sabado sa gabii gikan sa alas-6 hangtod sa alas-10.
Matud pa sa ilang interim president nga si P/Insp. Dondon Coloscos nga mao sab ang utok pagtukod sa maong ballclub, nga ang final listing sa kwalipikadong mga magduduwa alang sa second conference gitakda sa ikatulong semana sa Hulyo.
Ang mga kwalipikado, mabag-o man o dili, kinahanglan nga makapraktis og tulo ka higayon una sila papil-apon sa ‘membership form’
Ang membership form makuha ni Wilfredo ‘Tete’ Medillo, mahimo sab nga motawag ni P/Insp. Coloscos sa mga numero 0922-9854806 o sa 09974380878.
Dugang pa ni P/Insp. Coloscos nga walo ra gyud ka teams ang paduwaon sa second conference. (BANAT NEWS)