CEBU, Philippines - Surpresa nga ginganlan ni Gilas Pilipinas coach Chot Reyes ang Fil-German nga iapil sa line-up sa nasudnong koponan nga moduwa sa FIBA Asia Cup ug Southeast Asian Games.
Si Christian Standhardinger, 27-anyos usa sa upat ka mga amateur standouts nga moduwa sa Gilas uban nila ni Kobe Paras, Kiefer Ravena ug Raymar Jose.
Ang 6-foot-7 nga si Standhardinger miduwa sa kolehiyo sa University of Nebraska ug University of Hawaii diin mi-average siya og 14.7 points sa US NCAA.
Nabaid sab ang iyang abilidad dihang niduwa siya sa Europa uban sa SC Rasta Vechta sa Basketball Bundisliga.
Ang Samahang Basketbol ng Pilipinas miingon nga wala sila nakakita og rason nga dili tugtan sa FIBA si Standhardinger kay aduna na kini Philippine passport sa wala pa kini mag-16 anyos. (BANAT NEWS)