Aguilar nanghawod, sa M&M Supercross

CEBU, Philippines - Ang beteranong rider nga si Glenn Aguilar maoy nangu sa tanang mananaog sa 2017 Man and Machine Supercross sa miaging adlaw didto sa SM Seaside City grounds sa South Road Properties.

Si Aguilar midaog og duha ka kampiyonato pinaagi sa pagdominar sa   pro open ug expert division.

Gilupig niya si Jubenile Abellar sa pro open, samtang  si Donark Yuzon mipuwesto sa ikatulong

dapit. Si Aguilar mipilde sab ni Jon-Jon Adlawan alang sa korona sa expert division.

Si Jougee Basco, sa iyang bahin, maoy midaog sa korona sa intermediate class batok nila ni  JB

Bababac ug Erjhun Codeniera. Angay hinuon nga malipay si Codeniera dihang iyang giharian ang novice production batok nila ni JR Gualiza ug Clark Codizar.

Lain pang category winners mao sila si  Lance Quinicot (beginner’s production), Joel Andrin (40+ novice), Rex Barbaso  (40+ expert), Joy Jocson (50+ novice) ug  Pepo Rubi (50+ expert). (BANAT NEWS)