Punishers subha’g daog

CEBU, Philippines - Ang Punishers literal nga misilot sa Pañeros, 66-44 aron  mangulo  sa mga mananaog pagsugod sa 2017 Integrated Bar of the Philippines (IBP)-Cebu Basketball League niadtong weekend diha sa Capitol Parish gym.

Si Rowell Juban nga kanhi sakop sa Pañeros, misalida dayon uban sa Punishers pinaagi sa paghipos og 17 puntos. Ang ilang team manager nga si Tope Ang midugang og 15 puntos sa Punishers nga mao ang mikontrolar sa duwa gikan sa pagsugod.

Sa laing mga duwa, ang Sub Zero Idols nakabawi human malubong og 25 puntos sa ikatulong kuwarter ngadto  na sa pagpatikangkang sa Spartans, 68-64, samtang sila si Gemco Gaballes ug Kern Sesante nagkumboya’g 35 puntos sa   Dzntrs nga milubong sa Bad Boyz, 84-61.

Si Allan Geotina mitusak og unom ka tres sa iyang 20 puntos, apan wa’y nahimo sa Bad Boyz.

Puntos matag usa

Unang duwa:

Punishers (66) –Juban 17, Ang 15, Arnaiz 10, Ligutan 10, Bas 4, Avila 4, Guieb 2, Prieto 2, Velez 1, Remedio 1.

Pañeros (44) – Retuya 12, Mañus 9, Balorio 6, Cruz 4, Ordeniza 4, Cabilte 4, Luib 2, Abcede 2, Dinopol 1.

Ikaduhang duwa:

Sub Zero Idols (68) – Miralles 28, Ortiz 17, Capoy 15, Enad 4, Daluz 2, W. Santiago 2.

Spartans (64) – Regis 21, Teodorico 12, Esparagoza 10, Patiño 9, Lorenzo 7, Lim 5.

Ikatulong duwa:

Dzntrs (84) –  Gaballes 20, Sesante15, Sojor 14, Badilles 12, Sususco 9, M. Gamallo 4, Fajardo 4, Rosal 4, Garcia 2.

Bad Boyz (61) – Geotina 20, Del Prado 14, Riveral 8, Esmeralda 8, E. Bauzon 6, Yap 3, Narido 2. (BANAT NEWS)