Aulga Hardware, AC Sports lider gihapon sa GG50’S
CEBU, Philippines - Padayong gisaw-an sa Aulga Hardware ug AC Sports ang liderato dihang midaog na sab sila batok sa tagsa-tagsa nila ka duwa sa Guadalupe Golden 50s First Conference basketball tournament niadtong Domingo sa hapon didto sa Guadalupe Sports Complex.
Sa pagka karon, ang Aulga Hardware ug AC Sports adunay 3-0 records uban sa Power Forty.
Kuyaw kaayong nakaduwa si Roy Galon diin miiskor siya og 24 puntos aron pangulohan ang Aulga Hardware nga mitumba sa Pardo Builders, 73-63. Si Gaga Cabanilla nalimitahan lang ngadto sa nuybe puntos sa Aulga Hardware nga wala na molingi pa human milabaw, 30-25 sa halftime.
Si Nestor Solatorio mibuhos og 16 puntos, samtang si Opong Zafra mikandos og 13 puntos aron pangulohan ang 2-1 nga Pardo Builders nga wala na makabawi human mailog sa Aulga Hardware ang momentum.
Sa laing bahin, si Peter Abejo mao gihapon ang nangu sa AC Sports nga mitabas og 24 puntos. Laing duha niya ka teammates ang miiskor sab og double digits sa AC Sports nga milusad og naglagiting nga rally sa second half aron paglubong sa MCWD Union, 92-73.
Ang MCWD Union nga wala pa’y daog sa tulo ka duwa, gipangulohan nilang Army Marata ug Lalong Abanilla nga nagkumbinar og 27 puntos.
Puntos Matag Usa
Unang duwa:
Aulga Hardware (73) – Galon 24, Bual 12, G. Cabanilla 9, Miñoza 6, Lawas 6, Cortes 5, Aulga 4, Arias 3, Posadas 2.
Pardo Builders (63) – Solatorio 16, Zafra 13, Rosito 8, Belande 5, Diaz 4, Abbu 4, Dejacto 4, Almojallas 3, Villarta 2, Castro 2.
Ikaduhang duwa:
AC Sports (92) – Abejo 24, Ybañez 15, Ortega 14, Lalican 8, Ando 7, Suson 6, Enicuela 6, Polancos 5, Tarle 5, Pilota 2.
MCWD Union (73) – Mabata 14, Abanilla 13, Dalena 12, Calumpang 10, Chan 8, Nicanor 6, Jagmoc 4, Cabello 3, Cempron 2, Arroz 2, Jumao-as 2. (BANAT NEWS)
- Latest
