NAGCC wildcard banatan
CEBU, Philippines - Adunay kahigayonan ang mga Sugbuanong chess players nga makaangkon og luna sa 2017 National Ages Group Chess Championships Grand Finals pinaagi sa usa ka wildcard tourney karong alas-11 sa buntag diha sa Knight Attack Chess Cafe sa Robinsons Galleria Cebu.
Magsubay og 7-round Swiss system format, ang maong kompetisyon usa ka benepisyo nga gihatag sa Sugbo isip host sa national finals nga gikatakda karong Mayo 2-10 diha gihapon sa Knight Attack.
Ang tanang kampiyon sa 14 ka mga kategoriya makig-uban sa mga qualifiers gikan sa tulo ka eliminasyon nga gipahigayon sa nagkadaiyang dapit sa Sugbo. Sa pagka karon, pito pa ka mga Sugbuanon ang niabante sa national finals nga silang Jerish Velarde, KC Belano, Jonas Dustin Bajo, Chris Aldritz Pondoyo, Laila Nadera, Jeremy Bajo ug Spica Gonzales.
Ang registration fee nagkantidad og P350. Alang sa dugang mga impormasyon, mahimong motawag ni FIDE Arbiter Marvin Ruelan sa 0932-7152411 o 0926-7352951. (BANAT NEWS)
- Latest
