Rain or Shine daog na sab

CEBU, Philippines - Nag-una na karon sa standing  ang Rain or Shine Elasto Painters human midaog pinaagi sa overtime batok sa Mahindra Floodbusters, 99-95 sa  Commissioner’s Cup kagabii didto sa Smart Araneta Colisem.

Ang import nga si Shawn Taggart mipintal og 29 puntos ug 10 ka rebounds aron pangulohan ang Rain or Shine, samtang sila si James Yap ug Jeff Chan miamot og 12 ug 10 puntos matag usa  alang sa ilang 2-0 record.

Ang Mahindra gipangulohan sab sa ilang import nga si  James White sa iyang 29 puntos, gisundan ni Gary David nga adunay 13 puntos. (BANAT NEWS)