CEBU, Philippines - Ang NBA veteran nga si Cory Jefferson maoy gikuha sa Alaska Aces isip import puli ni Octavious Ellis nga una nilang gipili.
Wala midayon ang Aces pagkuha ni Ellis tungod kay kinahanglan pa niini nga mouli sa Estados Unidos aron atimanon ang personal nga problema sa pamilya.
Masukod ang abilidad ni Jefferson karong adlawa dihang sangkaon sa Aces ang GlobalPort.
Ang 6-foot-9 nga si Jefferson niduwa sa Brooklyn Nets niadtong tuig 2014 diin mihimo siya og season-high 12 points ug 13 rebounds. Sa misunod nga season, si Jefferson nibalhin sa Phoenix Suns, apan wala kaayo siya mahatagi og playing time hinungdan nga napunta siya sa NBA D-League.
Si Jefferson diriyot masakop sa defending champion Cleveland Cavaliers karon nga season, apan wala siya mahinayon pagpirma hinungdan nga niduwa na lang sa Austin Spurs sa D-League. (BANAT NEWS)