CEBU, Philippines - Moduwa pa og usa ka conference sa iyang PBA career ang beteranong si Danny Seigle human sila magkasinabot sa TNT KaTropa alang sa usa ka one-conference contract.
Mao kini ang gipakanaog nga hukom sa 40-anyos nga si Seigle
Ang TNT manginahanglan og players ilabi na nga dili kaayo kaduwa sila si Jayson Castro ug starting forward Troy Rosario pulos sakop sa Gilas Pilipinas 5.0 nga morepresentar sa SEABA Cup sa Mayo.
Sa pagduwa ni Seigle, siya ang ikaupat nga active player sa liga nga adunay pangedaron nga 40-anyos pataas uban nilang Asi Taulava, Mic Pennisi ug Jayjay Helterbrand.
Si Seigle adunay career-average nga 15.3 points ug 5.7 rebounds sa 17 ka season niya sa liga. Misikat siya niadtong dekada 90 isip sakop sa San Miguel Beer nga na-grandslam.
Siya usab ang nagkupot sa rekord sa labing daghan nga finals MVP award nga adunay upat. (BANAT NEWS)