Power Forty Ballclub 50-above 1st Conference buksan sa November 8

CEBU, Philippines - Ang Power Forty ballclub mopahigayon sa ilang 50-above 1st Conference basketball tournament karong Nobiyembre 8 diha sa Inayawan Sports Complex.

Unom ka teams ang mag-ilog sa kampiyonato nga naglakip sa team Yosores, team Atillo, team Rama, team Eleguin, Bob ‘N Chino ug Tony ‘N Edgar.

Mosubay sila og single round robin format sa elimination diin ang top 2  moabante sa semifinals.

Ang nahabiling upat magsangka sa quarterfinal diin ang no. 3 moharong sa no. 5 ug ang no. 4 batok sa no. 6. Ang modaog maoy mokompleto sa semifinals.

Ang modaog sa semis maoy mag-abot sa finals.

Sa laing bahin, ang Power Forty ballclub nagpili sa ilang bag-ong hut-ong sa mga opisyales alang sa tuig 2016-2018 niadtong Nobiyembre 25.

Napiling presidente mao si Dome Labalan uban sa iyang bise presidente nga si Gil Magallon.

Lain pang napiling opisyales mao sila si Tony Navares (secretary), Vez Eleguin (treasurer), Bob Samson (auditor), Sammy Atillo (PRO) ug sila si Dome Ozon ug Hermes Abasolo (sgt. at arms).

Ang board of directors naglakip nilang Atty. Flor Yosores, Romy Rama, Chino Kalinga, Allan Lim, Nilo Nuñez ug Jingjing Rama.

Samtang ang ilang commissioner mao si Edwin Dejacto Sr. (BANAT NEWS)