Moreno nanghawod sa CEPCA’s 26th anniversary
CEBU, Philippines - Si Carlos Moreno mipukan ni Mario Mangubat sa katapusang hugna ug mao kadto ang iyang gikinahanglan aron langkaton ang kampiyonato sa Cebu Executives and Professionals Chess Association (CEPCA) 26th Anniversary Cup niadtong Domingo didto sa Robinsons Galleria Cebu.
Gitapos ni Moreno ang maong 9-round Swiss system competition uban ang kinatas-ang 8.5 puntos aron pagbira sa P10,000 nga ganti.
Si National Master Rommel Ganzon mipilde ni Diego Abraham Caparino sa katapusan niyang duwa aron pagsolo niini sa ikaduhang puwesto bitbit ang 8.0 puntos. Mibulsa siya og P7,000.
Sila si Jethro Esplanada ug International Kim Steven Yap parehong mitali og 7.5 puntos, apan si Esplanada maoy miangkon sa P4,000 nga ganti alang sa ikatulong dapit.
Naglangkob sa top 10 nga dunay 7.0 puntos matag usa mao sila si NM Merben Roque, Richard Natividad, Mario Mangubat, Bhell Ortiz ug Michael Tinga.
Naapil sa top 15 nga dunay 6.5 puntos mao sila si Jimmy Ty, FIDE Master Anthony Makinano, Allan Pason, NM Arnolito Cadiz ug Mark Mangubat.
Nakadawat sab og espesyal nga premyo ang top lady players nga sila si Laila Nadera, Queeni Cablao ug Marphine Mangubat ug ingon man ang top kiddies nga sila si Cris Aldritz Pondoyo, John Lester Belano ug Duane Borgonia sa Under-15 ug John Jerish Velarde, Dwayne Abella ug Edelyn Vosotros sa 10-under category.
Ang top Cepcans mao sila si Michael Tinga, Jimmy Ty ug Arnolito Cadiz sa group A ug Manuel Abucay, Rafael Perez ug Nick Cuizon sa group B. (BANAT NEWS)
- Latest
