Fury nagmangtas na sab sa J&J Surplus Caging 2016
CEBU, Philippines - Nagmangtas na sab si Fury Trazona diin nagpauwan siya og pito ka 3-pointers sa iyang game-high 37 puntos alang sa koponan niyang E.F Surplus nga wa’y puangod midemolis sa Val Team, 93-72 sa J&J Surplus Ballclub Basketball Tournament 2016 niadtong Sabado didto sa Talit’s Garden open court sa Tayud Liloan.
Sa first kuwarter pa lang, si Fury nakapundo na og 12 puntos, kansang ikatulo niyang tres maoy mitak-op sa unang minutos sa duwa diin labaw ang E.F Surplus, 20-15.
Wala pa makontento, gibingat pa sa E.F. Surplus ang ilang labaw ngadto sa double digits.
Nagpangamay na ang kadaugan sa E.F Surplus dihang labaw na sila og 19 puntos sa fourth quarter, 72-53 sa pagpangulo ni Fury, kansang ikapitong tres maoy miselyo sa ilang kadaugan.
Ang Val team gipangulohan ni Bryan Uriarte sa iyang 31 puntos, apil na ang lima ka tres.
Ang E.F Surplus ug Val team parehong nagbitbit na karon og 2-1 nga baraha.
Lain pang nakahimo og double digits sa Val Team mao si Kurt Cabahug nga mitikdol og 14 puntos, gisundan ni Wilbert Cuyos nga adunay 12 puntos ug Ronald Riveral sa iyang 10 puntos.
Sa lain pang duwa, ang Union Galvasteel naghangad sa init nga duwa ni Jaybe Gellacone sa fourth quarter aron pangulohan ang ilang kadaugan batok sa J&J Surplus, 61-56.
Si Gellacone mikadlit og 12 puntos, samtang si Marvin Boyles mihirit og 11 puntos alang sa Union Galvasteel nga midaog dayon sa una nilang duwa.
Sila si Jomar Tinan ug Joseph Echiverri nagkumbinar og 27 puntos aron pangulohan ang J&J Surplus nga adunay 1-2 record.
Sa main game, midaog na gyud ang YUFO pinaagi sa pagpukan sa Gyro Steel, 53-44.
Gipangulohan ni Ejay Eyac ang Yufo sa iyang 14 puntos, samtang si Al Quingco mao sab ang nangu sa Gyro Steel nga adunay 15 puntos.
Ang YUFO ug Gyro Steel parehong milansang 1-2 nga baraha ning maong liga nga gipasiugdahan ni commissioner Fury Trazona inabagan nilang Chang Tejero, Abel Bacalso, Enting Pilapil ug Choy Pilapil.
Puntos matag usa
Unang duwa:
E.F Surplus (93) – Fury 37, Gaviola 8, Trangia 6, L. Sabang 6, Layese 6, Llamedo 6, Betinol 4, Vallejos 4, A. Sabang 2, Pepito 2.
Val Team (72) – Uriarte 31, Cabahug 14, Cuyos 12, Riveral 10, Maningo 6, Bayot2.
Ikaduhang duwa:
Union Galvasteel (61) – Gellacone 12, Boyles 11, Mantos 9, Flores 7, Tiongson 6, Judaya 4, Jo. Orongan 3, Ravama 3, Labustro 2, Ju. Orongan 2.
J. J Surplus (56) – Tinan 15, J. Echiverri 12, H. Agbon 8, Patiluna 7, Ondo 7, Astellero 2, B. Echiverri 2, Hayahay 2.
Ikatulong duwa:
YUFO (53) – Eyac 14, Caro 9, Ale 6, Moreno 6, R. Estole 4, Cuyos 4, Pon 4, Capangpangan 3, Dela Cerna 2.
Gyro Steel (44) – Quingco 15, Briones 9, Mon Leon 6, Mendoza 4, Ruales 4, D. Cal 4. (BANAT NEWS)
- Latest
