CEBU, Philippines - Gusto ni Cebuano star center JuneMar Fajardo nga ipakita sa mga Pinoy fans ang iyang dakung kalambuan uban sa national team sa mahitabong tune-up match tali sa Gilas Pilipinas ug Iran sunod semana.
Ang Iran manulong sa Gilas karong Hunyo 8 didto sa Smart Araneta Coliseum kabahin sa ilang pagpangandam sa FIBA Olympic qualifiers sa Hulyo didto sa Mall of Asia Arena.
Gitug-an ni Fajardo nga naghinam-hinam na siya nga ikaduwa ang 7-foot-2 nga si Hamed Haddadi.
Si Fajardo katapusang nakigduwa batok ni Haddadi atol sa 2013 FIBA Asia Championships.
Ang duha dili hinuon mag-abot sa Olympic qualifiers tungod kay ang Gilas maoy host team sa Manila leg, samtang ang Iran adto manimpad sa Italy alang sa Turin leg. (BANAT NEWS)