CEBU, Philippines - Ang Cebu leg sa Slazenger-sponsored Palawan Pawnshop-Palawan Express Pera Padala Regional Tennis Circuit mosikad na karong adlawa didto sa Consolacion Tennis Club sa Laray, Consolacion.
Ang garbo sa Bogo nga si Jan Godfrey Seno maoy mangu sa top contenders sa boys division, samtang sila si Shyne Villareal, Kristin Salimbangon, Tiffany Nocos, ug Zethley Mae Alferez ang mga paborito sa girls category.
Ang event organizers mipadayag nga mga tadhang players gikan sa La Carlota, Negros Occidental, Cagayan de Oro ug Zamboanga ang mopakita sab sa ilang abilidad sa maong tulo ka adlaw nga torneyo.
“While we expect the favorites to shine, we also see a number of young and new players to emerge given the depth of the competing field,” matud pa ni Palawan Pawnshop President ug CEO Bobby Castro.
Human sa Consolacion, ang aksiyon mobalhin ngadto sa Koronadal City sa South Cotabato sa Pebrero 11-15 alang sa ikaunom nga leg ning 52-stage nationwide circuit. (BANAT PALARO)