CEBU, Philippines – Ang 2016 CIS Friendship Cup nga ulohan og 'Kyle Weckman and James Jung Memorial Cup' gikatakda karong Marso 5-6 didto sa Cebu International School.
Abli sa tanang football clubs, tinguha sa torneyo ang pagpalambo sa maong duwa dinhi sa Sugbu labi na ngadto sa mga kabatan-onan.
Mga kategoriya nga kumbatihan mao ang mixed under 7, 9, 11, 13, boys 15, boys ug girls 18, men's open, BPO ug inter-company, ug ladies open. Matag kategoriya gilimitahan lamang ngadto sa 16 ka teams.
Ang mga organizers motugot lamang sa usa ka club o tunghaan nga mopadala og upat ka entrante.
Matag koponan kinahanglan dunay siyam ka players sa 9-a-side ug 12 sa seven-a-side.
Alang sa dugang detalye, kadtong mga interesado mahimong motawag sa 0917-5189353 o di ba e-mail sa ad@cis.edu.ph. (BANAT NEWS)