Kobe di na moduwa sa Rio Olympics
CEBU, Philippines - Nadawat na ni Los Angeles Lakers star Kobe Bryant ang kamatuoran nga panahon na usab sa mga batan-ong NBA players nga morepresentar sa Team USA sa Olympics.
Ang 37-anyos nga si Bryant hingpit nang miklaro nga dili na siya moduwa sa 2016 Rio Olympics di sama sa una niyang pamahayag diin gusto unta niya nga tapuson iyang karera sa basketbol pinaagi sa pagduwa alang sa ilang national team.
"I've come to terms with the fact that they are the future of this game. These are the guys who deserve the spots in Rio. These are the guys who people need to watch and root for. These are the guys to show fans where this game is going in the future," matud pa ni Bryant sa Associated Press.
Si Bryant kabahin sa Team USA nga miangkon sa gold medal sa 2008 ug 2012 Olympics.
Ang No.3 all-time scorer nga si Bryant gusto nga dili nalang makig-ilog og luna sa mga batan-ong players ilabi na usab nga gihamok siya sa mga injuries.
- Latest
