Happy New Year 2016

(Year of the Fire Monkey)

Karong Biyernes, Bag-ong Tuig na sab. Busa, tugoti ako ninyo nga motimbaya kaninyo og Happy New Year 2016.

Ang tuig 2016 sumala sa Chinese calendar mao ang Year of the Fire Monkey.

Tungod lagi kay sa pagtuo sa siyensya (science), ang orihinal nga hitsura sa tawo susuma kuno sa unggoy  ang pinakaduol nato og hitsura (gawas lang sa mga gwapo) mao ang gorilla ug orangutan.

Kung duna may tawo nga atong basolon aning iyang pagtandi kanato sa mga unggoy, dili ang mga Chinese kun dili kining bantugan nga scientist nga si Charles Darwin sa naila na kaayo niyang "Theory of  Evolution".

Sa iyang mga pangagpas sugod niadtong 1859, iyang nadiskubrehan sa iyang pagtuon nga ginganlan og "Origin of Species" nga usa ka libro nga napublikar, niadtong tuiga, ang tanang matang sa mga living things lakip ang tawo, na-umol ug naanad sa panahon aron mohaum sa iyang lifestyles ug sa iyang environments.

Dili na kuno hunahunaon pa sa tawo ang nagkalainlaing linya o kagikan sa iyang ancestry apan susama sa usa ka kahoy, kini mosanga ug motubo na sab ang laing sanga.

Ako mismo motuo sab niini kay sumala sa atong gitun-an sa Biology, ang living things gibahin man sa duha ka kingdom ug kini mao ang Animal Kingdom ug Plant Kingdom.

Ang Animal Kingdom gibahin sab ngadto sa phylum ug kita nahisakop sa phylum Chordata, class Mammalia (mammals) ug order Primata kon primates.

Busa kinsa may dili magtuo nga gikan gyud kita sa unggoy?

Ang unggoy parehas sab kanato nga mga "vertebrates" nga mga matang sa mananap nga adunay backbones kon buko-buko.  Kung dunay buhok  (balhibo) ang mga unggoy, balhiboon ug bangason sab ang mga tawo.

Ang mga resulta sa pagtuon ni Darwin nakapausab sa katawhan sa ilang pagtan-aw unsa ang living things. Ang iyang Theory of Evolution by Natural Selection nagtumbok nga ang mga living things adunay heredity,  selection,  ug variation.

Tungod sa Theory of  Evolution, daghan ang wala motuo niini ug naglagot ang mga  scholars dili pa andam nga motuo niini nga dunay mga kaparehas ug may intellectual connection ang tawo ug ang mga animals labi na gyud ang unggoy. Gani kung imong maobserbahan, ang hubog nga tawo nga maglakaw susama gyud sa usa ka gorilla.

Susama sab gyud sila sa tawo ilabi na kay duna sila'y lima ka tudlo sa kamot ug tiil. Makasabot sab sila unya makamao masuko murag tawo. Ang dili l ang nila mahimo mao ang pagsulti apan maayo ra sab kay basin  ila unyang sinultihan, may bright pa kanato ang unggoy ug kung dimalason gyud kita,  sila pa hinoon maoy mahimo natong senador ug kongresista.

Kung duna pa tingali salida nga ang titulo "Planet of the Men", magsige untag pakpak kanato ang mga unggoy sulod sa sinehan apan ang salida "Planet of the Apes" man.

Ang mga karaang tawo ilabi na niadtong panahon pa sa Cro Magnon, Stone Age ug Cave Man , susama gyud og hitsura sa tawo.

Ang mga unggoy mga utokan nga mananap  ug kanunay silang itandi sa mga utokan nga tawo suma pa sa pagtuo sa mga Chinese.

Ang simbolo nga Fire Monkey alang sa 2016 maoy labing aktibo ug agresibo sa tanang mga unggoy ug dayag ang pagkadominante. Happy New Year sa tanang tigbasahan sa The Freeman ug Banat News ilabi na sa Sportsgab!!!

MISCELLANEOUS. I was saddened upon hearing the news from a text message by my cousin Dr. Nelson "Boy"  Garciano that her mother (one of my aunts) Mrs. Susana Angus Garciano, a retired public school teacher has joined her Creator last December 22 due to a stroke at the age of 95. Interment will be at Poro cemetery on December 31. We request the pious readers to pray for the eternal repose of her soul. She is survived by her husband and war  veteran Priscillano "Dodo" Garciano and children, Boy Nelson, Naida, Eva, Roderick, Carmen and Gigi. My niece Faye Natalie (Natnat) Pantuan was 18 years old last December 24 and had her debut held in their residence in Consolacion, Cebu. We had our annual Malagar family reunion and Christmas party  last  night  in Lawaan, Talisay City. Congratulations to the happy couple Wiljun "Sugar" Camay and her wife Joy as their team the CEI Brokers bagged the title of  the BOC Friendship Cup Christmas League last Dec. 22 at barangay Tinago gym.