CEBU, Philippines – Ang Bulldog wa’y puangod nga milubong sa Astroboy, 123-66 alang sa ilang 4-0 nga baraha sa 2nd edition sa Sunday.com basketball tournament niadtong Domingo didto sa Ibabao-Estancia gym, dakbayan sa Mandaue.
Gumikan sa maong kadaugan, ang Bulldog segurado sa luna alang sa finals bisan pa og mapilde sila sa katapusan nilang duwa ugma.
Lima ka Bulldog players ang miiskor og double figures nga pinangulohan ni Tawing Grafe, kinsa mitikdol og 17 puntos. Gisundan ni Ankie Antigua sa iyang 17 puntos ug Robert Curiba nga adunay 12 puntos, samtang sila si Jojo Yu ug Allan Bacus pulos mitangag og 10 puntos.
Si James Latonio mihimo og career-high 31 puntos alang sa Astroboy, samtang si Jojo Carba miabuno’g 10 puntos.
Sa laing mga duwa, ang defending champion Alitz milubong sab sa Tomahawk, 74-39.
Si Gio Antigua maoy nangu sa Alitz nga mitusak og 13 puntos, gisundan ni Ritchie Malahos sa iyang 11 puntos ug nilang Roberto Neri ug Mac Nadera adunay 10 puntos matag usa.
Sila si Glydman Zanoria ug Joven Renante ang miiskor og double figures sa ilang 15 ug 10 puntos.
Midaog sab ang Mustang batok sa Dota, 62-59 ubos sa pagpangulo ni Ray Neiz nga mikamada’g 16 puntos. Si Jason Genelaso miratsada’g 12 puntos ug si Alvin Pepito miariya’g 10 puntos.
Ang Dota gipangulohan ni Edwin Jacobe nga mitimbre’g 23 puntos, gisundan ni Ilan Saludares sa iyang 13 puntos ug Topher Cabahug nga adunay 10 puntos.
Ang liga nga namugna pinaagi sa paningkamot sa ilang presidente nga si Tata Nadera, gipaluyohan sa VECO ug Mandaue City Mayor Jonas Cortes.
Puntos Matag Usa
Unang duwa:
ALITZ (74) – Antigua- 13, Malahos 11, Neri 10, Nadera 10, Faelnar 8, Ching 6, Antigua 6, Armero 6, Sayson 2, Grafe 2.
TOMAHAWK (39) – Zanoria 15, Renante 10, Corilla 4, Auman 4, Zafra 4, Eslez 2.
Ikaduhacng duwa:
MUSTANG (62) – Neiz 16, Genelaso 12, A. Pepito 10, E. Pepito 8, Antigua 6, Sayson-5, Dabon 2, Chavez 2.
DOTA (59) – Jacobe 23, Saludares 13, Cabahug 10, Mascarinas 4, Antigua 5, Lapinid 2, Bejasa 2.
Ikatulong duwa:
BULLDOG (123) – Apa Jr. 25, Grafe 18, Antigua 17, Curiba 12, Yu 10, Bacus 10, Apa Sr. 8, Nadera 8, Casals 7, Mosqueda 6, Cabello 2.
ASTROBOY (66) – Latonio 31, Carba 10, Ancajas 8, Suico 7, Barrentos 6, Capinpin 2, Tejana 2. (BANAT NEWS)