CEBU, Philippines - Ang Asia- Pacific University Games (APUG) nga gipasiugdahan sa Federation of School Sports Association of the Philippines (FESSAP) ug sa Cebu Schools Athletic Foundation, Inc. (CESAFI) sugdan na karon sa ala-1 sa hapon diha sa Cebu Coliseum.
Ang four-nation collegiate-based competition pangulohan sa Philippines. Ang laing tulo mao ang Japan, Malaysia ug Papua New Guinea. Magtigi sila sa basketball, table tennis ug badminton nga pagahimuon sa tulo ka nagkalain-laing binyu.
Ang basketbol himuon sa Cebu Coliseum, University of San Carlos main Gym ug sa University of Southern Philippines Foundation gym sa Lahug.
Ang Japan mosalmot lamang sa basketbol diin ilang sukdon ang abilidad sa reigning CESAFI champion USC Warriors, USPF Panthers ug ang University of Cebu Webmasters.
Ang table tennis adto himuon sa Capitol Social Hall samtang ang badminton ipahigayon sa Metro Sports Club.
Ang Malaysia nga usa ka powerhouse sa badminton ug sa table tennis, mosalmot sa singles, doubles ug mixed doubles batok sa mga host teams. Ang UC table tennis team ubos ni coach Jessica Honoridez seguradong dili kakompyansaan.
Ang APUG gipaluyohan sab sa Commission on Higher Education (CHED). (BANAT PALARO)