Batang Pier mitumba sa Warriors

CEBU, Philippines - Milampos ang GlobalPort Batang Pier pagsakmit sa krusyal nilang daog ug nagsolo nga ikaupat nga dapit sa naghinapos nga elimination round sa PBA Philippine Cup.

Ang Batang Pier nakaipsot sa higpit nga duwa batok sa NLEX Road Warriors, 96-90 kagabii didto sa Smart Araneta Coliseum.

Sa maong kadaugan, ang GlobalPort (5-3) segurado na sa quarterfinals ug may posibilidad pa nga makuha ang automatic semis berth kun padayon silang modaog sa  nahibilin nilang mga duwa.

Ang NLEX  midailos sa ikaunom nga dapit sa standing  uban sa Barangay Ginebra San Miguel sa ilang 4-4 win-loss records. (BANAT NEWS)

===

Ravena hinog na sa PBA

Lemuel P. Maglinte

CEBU, Philippines - Andam na ang  two-time UAAP MVP nga si Kiefer Ravena nga moduwa sa PBA.

Si Ravena segurado nga usa sa mga mahimong top picks kun moapil kini sa PBA Rookie Draft sunod tuig.

Si Alaska Aces head coach ug sakop sa coaching staff sa national team nga si Alex Compton nakabaton og kahigayonan nga mosaksi sa abilidad ni Ravena dihang niduwa kini sa team practice sa Gilas niadtong   Lunes.

“In terms of PBA, yeah, he’s definitely ready. I would want to see him in the national team, but I’m sure everybody has a shot at the PBA,” matud pa ni Cone sa Sports 5.

Mibilib usab si Rain or Shine Elasto Painters forward ug veteran Gilas player nga si Gabe Norwood sa gipakita ni Ravena sa ilang team practice ug daku iyang pagsalig nga makaduwa  kini sa PBA sa dili madugay. (BANAT NEWS)