Kiddies open chessfest himuon karong domingo
CEBU, Philippines – Makahigayon na sa pagbaid sa ilang abilidad ang mga batan-ong magduduwa og ahedres pinaagi sa R.P. Moran Kiddies Open Chess Tournament 2015 nga gikatakda karong Nobiyembre 22 diha sa CMYK Dessert House and Sports Bar, kilid sa Route Stop sa Barrio Luz, siyudad sa Sugbo.
Ang 7-round Swiss system competition abli sa mga players nga nag-edad og 15 anyos paubos.
Ang makampiyon mobulsa og P3,000, samtang ang mopahiluna sa ikaduha ug ikatulong dapit mobitit og
P2,000 ug P1,000. Ang malandig gikan sa ikaupat hangtod sa ika-13 nga puwesto modawat og P400 matag usa.
Ang registration nagkantidad og P150. Giawhag ang mga entrante nga moadto og sayo sa binyu kay ang torneyo sugdan sa alas 9:30 sa buntag.
Kadtong mga interesado, mahimong motawag ni FIDE Arbiter Marvin Ruelan sa 0926-7352951. (BANAT NEWS)
- Latest
