CEBU, Philippines – Nagsalig ang team Cyros sa maayong labok nilang Jepo Abella ug Boy Cebes aron masakmit ang daog batok sa Trangia Sportswear, 78-73 sa Dayon Basketball Club Christmas League 2015 niadtong Miyerkules didto sa Sacred Heart School old campus gym sa Gen. Maxilom Ave., siyudad sa Sugbo.
Si Abella mipaksit og 17 puntos, samtang si Cebes mipugnit og 15 puntos aron mangu sa balanseng opensa sa team Cyros.
Duha sab ka players ang mihimo og double figures alang sa Trangia Sportswear nga wala na makarekober human mailogi’g labaw.
Sa laing mga duwa, ang team Tancio mirehistro sa ilang ikaduhang sunod-sunod nga daog batok sa team Aspa, 46-43.
Milansang sab og daog ang Tony Go Boston sa una nilang duwa batok sa Cebu Wetland Resort sa iskor nga 52-42.
Ang Dayon Christmas League namugna pinaagi sa paningkamot sa aktibo nilang presidente nga si Allan Abella ug sa tanan niyang mga ginsakupan sa maong ball club. (BANAT NEWS)
PUNTOS MATAG USA
Unang duwa:
Cyros (78) – Abella 17, B. Cebes 15, Barrida 8, Taduna 6, Traya 5, Fraya 5, Regie 4, Guzman 4, Mabanto 4, Quinain 3, T. Cebes 3, Santarita 2, Edon 2.
Trangia Sportswear (73) – Arellano 18, Villarosa 17, King 8, Ramesh 7, Panerio 7, Almencion 6, Gubaton 4, Balot 4, Lopena 2.
Ikaduhang duwa:
Tancio (46) – Mauro 9, Tablason 7, Cuyos 6, Magsayo 5, Sanchez 5, Cristian 4, Talaugon 4, Estenzo 4, Tumanaka 2.
Aspa (43) – Alvarez 15, Reyes 6, Delina 6, Castañeda 5, Jayme 5, Jomuad 4, Racaza 2.
Ikatulong duwa:
Tony Go Boston (52) – Bueno 8, Estreba 8, Ferrer 8, Galo 6, Miñoza 6, JR 4, Lopez 4, Ho 3, Lekil 3, Abella 2.
Cebu Wetland Resort (42) – Isabelo 6, Cabahug 6, Flores 5, Isabelo 5, Noval 4, Villarba 4, Padin 4, Sampang 2, Sotto 2, Cardino 2, Ybañez 2.