TCC mihakot 9 golds sa PNG swimming
CEBU, Philippines – Ang mga sakop sa Team Cebu City (TCC) nakapasol og siyam ka bulawang medalya, unom ka silvers ug usa ka bronze sa swimming event sa 2015 Philippine National Games-Visayas leg kagahapon didto sa Antique.
Nangu sa gihimong pag-arangkada sa TCC swimmers mao si Michael Ichiro Kong nga mikabkab og tulo ka golds sa 400m backstroke, 200m butterfly, ug 400m freestyle.
Si Trina Caneda mitunol og duha ka golds sa 400m freestyle ug 200m backstroke, samtang sila si Fritz Tamara ug Shane Allyne Pareja adunay tagsa ka gold sa 100m freestyle ug 50m breast stroke.
Ang TCC nakalabni sab og duha ka bulawan sa 4x50m medley relay kortesiya nilang John Dacaldacal, Fritz Tamara, Michael Ichiro Kong ug Neil Enrico Micarsos sa boy’s division ug nilang Romylin Niña Ignacio, Pareja, Caneda ug Beth May Arellano sa girl’s category.
Si Ignacio midugang og duha ka silvers, samtang sila si Neil Enrico Micarsos, Elvie Salvo ug Kristy Carmel Pardo nakakuha sab og tagsa ka silver ug si Dacalcal usa ka bronze. (BANAT NEWS)
- Latest
