Beermen batok Bolts
CEBU, Philippines – Palambuon pa sa defending champion San Miguel Beermen ang maayo nila nga sugod sa season pinaagi sa pagsakmit sa ikaduhang sunod-sunod nilang daog dihang ilang sangkaon ang Meralco Bolts sa 2015 PBA Philippine Cup karong adlawa didto sa Smart Araneta Coliseum.
Ang San Miguel makigsangka sa Meralco sa alas-7 sa gabii, human sa duwa sa NLEX Road Warriors ug Barako Bull Energy Cola sa alas-4:15 sa hapon.
Ang Beermen midaog sa ilang opener batok sa GlobalPort Batang Pier, apan mangandam sila alang sa mas lisud nga duwa batok sa nagkalig-on nga Meralco.
Ang Bolts bidahan karon sa ‘comebacking PBA star’ nga si Jimmy Alapag, kinsa mohimo sa iyang debut sa maong koponan.
Gawas ni Alapag, nadugang usab sa Meralco si Rabeh Al-Hussaini, Bryan Faundo, Ronjay Buenafe ug rookie nga si Chris Newsome.
Si Alapag mihaw-as gikan sa ‘retirement’ ug inay sa Talk ‘N Text Tropang Texters malandig didto na siya mapunta sa igsuon koponan nga Meralco. (BANAT NEWS)
- Latest
