SASA 2nd Midnite League 2015

CEBU, Philippines – Gibuksan kaniadtong Sabado, Oktubre 24 ang Sunrise All Sports Association (SASA) 2nd Midnight League 2015 didto sa SASA open court sa barangay Lahug, ning dakbayan.

Sa wala pa pormal nga gibuksan ang Midnight League, gipahigayon una ang semifinal crossover sa ilang Inter-Company basketball tournament diin maoy nagtakos ang Cebu South Bus Terminal batok sa Pino Restaurant ug ang Boosog Restaurant batok sa Captain A's Boodle Fight restaurant apan wala pa makuha ang resulta sa duha ka duwa.

Sa laing bahin, ang mga teams nga misalmot sa Midnight League inter-sitio mao ang Avocado, Tancom, San Jose, Anco, Camagong, Arco, Sudlon, Veterans, San Roque, Rio, Laguerta ug Son-oc.

Bag-o lang sab nilang gitapos ang ilang Midget tournament.

Ang mga sakop sa committees nga nagdala sa maong lega mao silang Robert Ortega, Billy Gabiana, Rodel Salimbot ug mga utilities nga naglakip kanilang Patoy, Gandy, Jopax ug Gido. (BANAT NEWS)