CEBU, Philippines – Pakyas sa iyang tahas nga makuha ang world title si Brian 'Hawaiian Punch' Viloria human siya CEBU, Philippines – gipaundang sa ninth round ni Nicaraguan superstar Roman 'Chocolatito' Gonzalez sa ilang sangka alang sa WBC flyweight title kagahapon didto sa Madison Square Garden sa New York City.
Maisugon nga nakigharung si Viloria batok sa giilang pound-for-pound king nga si Gonzalez, apan wa siya kasustinir sa kusug nga kumo ni Chocolatito.
Nakaluhod si Viloria sa third round apan nakabarug siya aron subling makigsinukliay og kinumo batok ni Gonzalez. Naningkamot si Viloria nga makaigo og kusug ngadto ni Gonzalez kinsa mas mipakita og kaabtik ug kaiglas itandi sa Fil-American boxer.
Miabot ang katapusang round alang ni Viloria sa ninth round human gipauwanan siya og mga kinumo ni Gonzalez diin naglisud na kini pagpanagang rasun nga giundang na ni referee Benji Esteves ang away sa 2:53 sa maong round.
Sa maong kadaugan si Gonzalez misaka sa 44-0, 38KOs, samtang ang former two-division world champion nga si Viloria nakahiagum sa ikalima niyang pilde sa 41 ka away. (BANAT NEWS)