DTCC mikubkob na usab og golds sa DSCPI event

CEBU, Philippines – Ang  Dancesport-Team Cebu City  (DTCC) mitak-op sa ilang kampanya sa tulo ka leg nga 19th DSCPI National Dancesport Championship pinaagi sa paghakot og 18 ka gold medals, pito ka silvers ug tulo ka bronzes sa miaging gabii didto sa Philsports Arena sa Pasig City.

Milabni og tagurha ka bulawan  sila si Mae Pabuaya ug Romeo Cialbo sa teacher-student 1C ug grade C standard, Ouie Selene Rendon ug Jhon Lloyd Leyson sa juvenile A latin ug standard, Ronald Ruiz ug Jocelyn Vesteeg sa senior C ug  TS2 B standard, ug Shardie Abellana ug Marjorie Pasaje  sa  Grade  C  ug TS1C.

Bisan og managlahi ang iyang partner, si Eleanor Hayco nakamaneho gihapon pagkabkab og duha ka bulawan uban ni Jimmy Noel sa senior A latin ug Anselmo Estillore sa TS2A Latin.

Ang mga batan-ong atleta nga sila si Frances Marie Valmoria ug Hezekiah Sobrevega midaog og gold sa juvenile    C standard, bronze sa A class ug silver sa juvenile A ug C latin.

Lain pang naka-gold sa Team Cebu City mao sila si John Paul Mocorro ug Mary Joy Dumosmog sa youth   A  Latin, Niño  Salve ug Janna Marie Pugoy  sa Latin  juvenile C,  Julia  Paz Branzuela ug Gylle Niño Diluvio sa junior C Latin, Anndreah Kiem  Capangpangan ug Jake   Emmanuel   Corro sa  junior A Latin, Troy ug  Tracy Villarta sa youth  A  standard  ug Bert   Kevin   Diluvio  ug Jam Flores sa Latin Grade B. (BANAT NEWS)