CEBU, Philippines – Ang Dynamic Power miiskor og kulbahinam nga kadaugan batok sa mas paborito nga RDAK Transporters, 57-56 aron masakmit ang titulo sa Division B sa 20th SHAABAA Cup basketball tournament niadtong Domingo didto sa Magis Eagles gym sa Sacred Heart School-Ateneo de Cebu sa barangay Canduman, dakbayan sa Mandaue.
Si Magdaleno Sy mipabuto og 13puntos aron pangulohan ang Dynamic Power, samtang si Walter Ong midugang og 11 puntos. Sila si Joevince Canizares ug Jose Rey Reoma parehong miiskor og 11 puntos alang sa RDAK Transporters.
Sa Division A, ang RDAK Stallions mipukan sa Bayfront Hotel Cebu sa iskor nga 60-47 sa ilang tagakay nga duwa aron moduwa sa finals batok sa defending champion Petron Goldberry.
Gipangulohan ni Jai Igna ang kadaugan pinaagi sa iyang 12 puntos, samtang sila si Joko Dinsay, Lucky Ecarma ug Flacher Galvez miamot og 10 puntos matag usa.
Si Elmer Cabahug maoy nangu sa Bayfront sa iyang 18 puntos.
Ang ‘best-of-three’ final series sa RDAK ug Petron sugdan karon sa alas-7 sa gabii.
Puntos Matag Usa
Unang duwa:
Dynamic Power (57) – Sy 13, Ong 11, Lim 9, Ang, Go 7, Mangubat 5, Tan 4.
RDAK Transporters (56) – Canizares 11, Reoma 11, Tomakin 9, Ong 8, Cabrera 4, Sy 4, Rogado 3, Gillamac 2, Planas 1.
Ikaduhang duwa:
RDAK Stallions (60) – Igna 12, Ecarma 10, Galvez 10, Dinsay 10, Gaviola 8, Chioson 2, Ong 2, Lim 2, Co 2, Lee 1, Lopez 1.
Bayfront (47) – El. Cabahug 18, Datan 9, E. Gabuya 7, Lao 5, Basenio 4, El. Gabuya 2, Cabahug 2. (BANAT NEWS)