CEBU, Philippines - Nag-una na karon sa liderato sa Division A ang RDAK Stallions human sila modaog batok sa Petron Goldberry, 46-39 sa 20th SHAABAA Cup basketball tournament didto sa SHS-AdC old campus sa Gen. Maxilom Avenue.
Sa maong duwa, nagpinuhalay ang duha ka Co nga si Steven sa RDAK ug Joel sa Petron.Si Steven Co maoy nangu sa Stallions sa iyang 11 puntos, samtang si Joel Co mao usab ang topscorer sa Petron sa iyang 12 puntos.
Ang duha ka koponan parehong nagbitbit og 10-2 win-loss records, apan ang RDAK maoy nahimong no. 1 pinaagi sa simple tie.
Sa laing duwa, midaog ang Bayfront Hotel Cebu batok sa Chick@Phil Basic sa iskor nga 71-55.
Ang Bayfront nga aduna na’y 7-5 nga baraha, gipangulohan nilang Elddie Cabahug ug Arthur Lao sa ilang 17 ug 10 puntos matag usa.
Ang 1-11 nga Chick@Phl Basic gipangulohan sab nilang Jappeth Quiñanola ug Kyle Chua nga nagkumboya’g 25 puntos. (BANAT PALARO)