CEBU, Philippines - Andam na ang tanan alang sa tinuig nga Pink October Run nga gikatakda sa Oktubre 14 nga manukad ug matapos sa Ayala Center Cebu.
Ang maong running event nga nag-promote sa ‘breast cancer awareness’ adunay tulo ka kategoriya, ang 12K, 6K ug 3K fun run.
Sama sa miaging mga edisyon, walay ganting salapi ang ihatag ngadto sa mga mananaog, apan adunay special prizes nga madawat ang mga top performers. Makadawat usab og award ang runner nga adunay labing 'pink' nga outfit sa men ug women’s class.
Usa sa mga highlight sa event mao ang himuong forum kabahin sa breast cancer awareness diin giimbitar ang mga runners ug dili runners sa pagsalmot. Ang registration fee nagkantidad og P350 sa tanang kategoriya.
Mahimong magparehistro sa Active Zone sa Ayala Center Cebu. (BANAT NEWS)